"يا اسكندرية بحرك عجايب ياريت ينوبني من الحب نايب"
بحر الاسكندرية "الكورنيش" مش مجرد شارع بيقطع اسكندرية بطولها من شرقها لغربها …
.ده حكاوي وذكريات حب وشوق وحنين فرح وحزن لكل واحد فينا …بياعين الترمس والدرة الحبيبة وشبكة الأيدين وريحة اليود وهو بتلطشك علشان تفوقك ….كورنيش الماريا عمر تاني بيشهد على مدينة هو أشهر حاجة فيها
احنا جايز مش بنقول عليه الكورنيش وبنقول عليه طريق البحر او ع البحر …لكن الكورنيش هو أًصل التسمية …. كلمة كورنيش هي كلمة فرنسية الاصل معناها الطريق الواقع على حافة الجبال الصخرية الوعرة وفي بداية الأمر اطلق علي الطريق الواقع بين مدينة نيس الفرنسية ومدينة جنوة الايطالية …..وبعد كده أطلق علي شواطئ ايطاليا
الكورنيش او البحر او طريق الجيش "المسمى اللي محدش بيستخدمه الا في المعاملات الرسمية " كان اسمه زمان طريق الملكة نازلي
كورنيش الاسكندرية متبناش مرة واحدة لكنه اتقسم على أكثر من جزء وده طبعا كان بسبب اختلاف طبيعة المدينة والامتداد العمراني فيها ….لكن خلينا نقول ان معظم كتاب وباحثين الاسكندرية قالوا ان الكورنيش بامتداده من رأس التين للمنتزه اتبنى في عهد الملك فؤاد الأول ورئيس وزارته اسماعيل صدقي وده كان سنة 1934 وكان طوله حوالي 25 كم وعرضه 8 متر
لكن طريق البحر مر بكذا مرحلة قبل عام 1934 بداية من عام :
1901 انشئ وقتها الجزء المواجه لقصر رأس التين والانفوشي
1909 ل 1912 امتد من الانفوشي للميناء الشرقي ومنطقة السلسلة واللي انشئته كانت شركة ايطالية وتم فرض ضرائب سنوية قدرها 2% علي ايجار العمارات اللي كانت موجودة في الوقت ده في المنطقة دي علشان ترصف الرصيف واتسمى "بعائد الرصيف
1925 بدأ العمل من السلسلة الي كامب شيزار وده كان علي ايد مهندس مصري اسمه عبد الواحد نصير
1930 امتد لكليوباترا ووقتها مجلس البلدية مقدرش يكمل امتداد الكورنيش بسبب معارضة السلطات العسكرية الانجليزية في منطقة مصطفي كامل بسبب ثكنات الجنود اللي كانت موجودة برده في المنطقة دي … ولكن وقتها بدأ التفاوض بين وزارة اسماعيل صدقي وبين السلطات الانجليزية وبالفعل اكتملت أعمال الكورنيش من كليوبترا لستانلي عام 1932 وبعد كدة لغاية قصر المنتزه عام 1934 …
علشان يوصل طول الكورنيش وقتها 25 كم ….
وعلشان توصل ميزانية بلدية الاسكندرية من 3/4 مليون جنيه الي 3 مليون جنيه مصري بسبب الرواج اللي حصل للمدينة بعد أنشاء الكورنيش
نسيت أقولكم ان سور منطقة محطة الرمل والمنشية ده السور الاساسي اللي اتبني بيه الكورنيش ويعتبر من الاثار هو مبني من حجر البازلت
وان كمان بعض الشواطئ زي شاطئ استانلي كان مخصص للأجانب والاثرياء….. فضل كورنيش الاسكندرية محتفظ برونقه وبدأت الامراء والاثرياء يبنوا كباين علشان يجوا يصيفوا فيها وبدأت تتأجر بعد كدة لعموم الناس
فضل طريق البحر زي ماهو مطرأش عليه الا بعض التعديلات الطفيفة لغاية النص الاول من التسعينات لغاية لما جيه محافظ الاسكندرية اسماعيل الجوسقي اللي قرر انه يكون رؤية البحر متاحة للجميع ومافيش حاجة تحجب الرؤية بينه وبين الناس فقرر انه يهدم كل الكباين اللي كنت مبنية علي الشاطئ وفعلا ده حصل ومفضلش من الكباين دي غير كباين استانلي "الكباين دي كاانت مبنية من الخشب وكانت بطول الكورنيش "
وجيه بعد اسماعيل الجوسقي ….عبد السلام المحجوب واللي في عهده كان التعديل الاكبر والاشمل والاوسع اللي مر علي تاريخ الكورنيش من وقت انشاءه ….
بدأ عبد السلام المحجوب بردم جزء كبير من الشواطئ بل ردمها كلها تقريبا مافضلش منهم غير "سيدي بشر وجليم وستانلي " علشان يقدر يوسع الطريق ويوصل من عرض 8 متر لحوالي 20 متر واكتر ….وبدأ يدخل بالطريق في الرملة والبحر واتعمل كمان وقتها كوبري استانلي
مش هننكر ان ده كان اعظم تعديل طرأ علي الكورنيش لكن للاسف الحلو مايكملش ليه ؟
لان بفعل الطبيعة وعملية المد والجزر وان البحر كل سنة بينحر حوالي من 30 :40 سم من الشاطئ فما بالنا بقي اذا كان اللي بيتأكل ده مش رملة الشاطئ ده الطريق بخلاف اصلا ان الخلخلة اللي حاصلة بسبب الضغط علي سطح البحر لأن معظم الطريق وتوسعته دي مبنية علي مية البحر ومش بس كدة ده كل حرم الكورنيش تقريبا عرض بحر يعني الامواج القريبة وبنشوفها دي امواج عنيفة مش امواج بسيطة من امواج الشاطئ كل ده طبعا بيهدد طبيعة الاسكندرية وبيفسرلنا الخبر اللي ظهر من كام يوم ان الاسكندرية معرضة للغرق في الكام سنة الجاين…
ولو رجعنا كدة حوالي 5 سنين فاتت هنلاقي في نوة شديدة من النوات البحر طلع وكمان هدم جزء من سور الكورنيش في المندرة ده طبعا بيودينا لنفس النتيجة ان بالفعل ممكن نغرق لو مكانش فيه حل !!!
طول الكورنيش دلوقتي حوالي 40 كم …انا مش هتكلم عن الكورنيش دلوقتي لأني بفضل اني معكرش صفو الذكريات والحنين اللي انا حسيته وانا بكتب …لاننا طبعا كلنا عارفين وشايفين وحاسين بكم الاغتصاب اللي بيحصل لأعرق كورنيش في مصر كلها
لكن في الاخر هيفضل كورنيش الاسكندرية وبحرها أجمل مافيها شاهد علي ذكرياتنا …..وهتفضل الاسكندرية عروس البحر الابيض المتوسط
بحر الاسكندرية "الكورنيش" مش مجرد شارع بيقطع اسكندرية بطولها من شرقها لغربها …
.ده حكاوي وذكريات حب وشوق وحنين فرح وحزن لكل واحد فينا …بياعين الترمس والدرة الحبيبة وشبكة الأيدين وريحة اليود وهو بتلطشك علشان تفوقك ….كورنيش الماريا عمر تاني بيشهد على مدينة هو أشهر حاجة فيها
احنا جايز مش بنقول عليه الكورنيش وبنقول عليه طريق البحر او ع البحر …لكن الكورنيش هو أًصل التسمية …. كلمة كورنيش هي كلمة فرنسية الاصل معناها الطريق الواقع على حافة الجبال الصخرية الوعرة وفي بداية الأمر اطلق علي الطريق الواقع بين مدينة نيس الفرنسية ومدينة جنوة الايطالية …..وبعد كده أطلق علي شواطئ ايطاليا
الكورنيش او البحر او طريق الجيش "المسمى اللي محدش بيستخدمه الا في المعاملات الرسمية " كان اسمه زمان طريق الملكة نازلي
كورنيش الاسكندرية متبناش مرة واحدة لكنه اتقسم على أكثر من جزء وده طبعا كان بسبب اختلاف طبيعة المدينة والامتداد العمراني فيها ….لكن خلينا نقول ان معظم كتاب وباحثين الاسكندرية قالوا ان الكورنيش بامتداده من رأس التين للمنتزه اتبنى في عهد الملك فؤاد الأول ورئيس وزارته اسماعيل صدقي وده كان سنة 1934 وكان طوله حوالي 25 كم وعرضه 8 متر
لكن طريق البحر مر بكذا مرحلة قبل عام 1934 بداية من عام :
1901 انشئ وقتها الجزء المواجه لقصر رأس التين والانفوشي
1909 ل 1912 امتد من الانفوشي للميناء الشرقي ومنطقة السلسلة واللي انشئته كانت شركة ايطالية وتم فرض ضرائب سنوية قدرها 2% علي ايجار العمارات اللي كانت موجودة في الوقت ده في المنطقة دي علشان ترصف الرصيف واتسمى "بعائد الرصيف
1925 بدأ العمل من السلسلة الي كامب شيزار وده كان علي ايد مهندس مصري اسمه عبد الواحد نصير
1930 امتد لكليوباترا ووقتها مجلس البلدية مقدرش يكمل امتداد الكورنيش بسبب معارضة السلطات العسكرية الانجليزية في منطقة مصطفي كامل بسبب ثكنات الجنود اللي كانت موجودة برده في المنطقة دي … ولكن وقتها بدأ التفاوض بين وزارة اسماعيل صدقي وبين السلطات الانجليزية وبالفعل اكتملت أعمال الكورنيش من كليوبترا لستانلي عام 1932 وبعد كدة لغاية قصر المنتزه عام 1934 …
علشان يوصل طول الكورنيش وقتها 25 كم ….
وعلشان توصل ميزانية بلدية الاسكندرية من 3/4 مليون جنيه الي 3 مليون جنيه مصري بسبب الرواج اللي حصل للمدينة بعد أنشاء الكورنيش
نسيت أقولكم ان سور منطقة محطة الرمل والمنشية ده السور الاساسي اللي اتبني بيه الكورنيش ويعتبر من الاثار هو مبني من حجر البازلت
وان كمان بعض الشواطئ زي شاطئ استانلي كان مخصص للأجانب والاثرياء….. فضل كورنيش الاسكندرية محتفظ برونقه وبدأت الامراء والاثرياء يبنوا كباين علشان يجوا يصيفوا فيها وبدأت تتأجر بعد كدة لعموم الناس
فضل طريق البحر زي ماهو مطرأش عليه الا بعض التعديلات الطفيفة لغاية النص الاول من التسعينات لغاية لما جيه محافظ الاسكندرية اسماعيل الجوسقي اللي قرر انه يكون رؤية البحر متاحة للجميع ومافيش حاجة تحجب الرؤية بينه وبين الناس فقرر انه يهدم كل الكباين اللي كنت مبنية علي الشاطئ وفعلا ده حصل ومفضلش من الكباين دي غير كباين استانلي "الكباين دي كاانت مبنية من الخشب وكانت بطول الكورنيش "
وجيه بعد اسماعيل الجوسقي ….عبد السلام المحجوب واللي في عهده كان التعديل الاكبر والاشمل والاوسع اللي مر علي تاريخ الكورنيش من وقت انشاءه ….
بدأ عبد السلام المحجوب بردم جزء كبير من الشواطئ بل ردمها كلها تقريبا مافضلش منهم غير "سيدي بشر وجليم وستانلي " علشان يقدر يوسع الطريق ويوصل من عرض 8 متر لحوالي 20 متر واكتر ….وبدأ يدخل بالطريق في الرملة والبحر واتعمل كمان وقتها كوبري استانلي
مش هننكر ان ده كان اعظم تعديل طرأ علي الكورنيش لكن للاسف الحلو مايكملش ليه ؟
لان بفعل الطبيعة وعملية المد والجزر وان البحر كل سنة بينحر حوالي من 30 :40 سم من الشاطئ فما بالنا بقي اذا كان اللي بيتأكل ده مش رملة الشاطئ ده الطريق بخلاف اصلا ان الخلخلة اللي حاصلة بسبب الضغط علي سطح البحر لأن معظم الطريق وتوسعته دي مبنية علي مية البحر ومش بس كدة ده كل حرم الكورنيش تقريبا عرض بحر يعني الامواج القريبة وبنشوفها دي امواج عنيفة مش امواج بسيطة من امواج الشاطئ كل ده طبعا بيهدد طبيعة الاسكندرية وبيفسرلنا الخبر اللي ظهر من كام يوم ان الاسكندرية معرضة للغرق في الكام سنة الجاين…
ولو رجعنا كدة حوالي 5 سنين فاتت هنلاقي في نوة شديدة من النوات البحر طلع وكمان هدم جزء من سور الكورنيش في المندرة ده طبعا بيودينا لنفس النتيجة ان بالفعل ممكن نغرق لو مكانش فيه حل !!!
طول الكورنيش دلوقتي حوالي 40 كم …انا مش هتكلم عن الكورنيش دلوقتي لأني بفضل اني معكرش صفو الذكريات والحنين اللي انا حسيته وانا بكتب …لاننا طبعا كلنا عارفين وشايفين وحاسين بكم الاغتصاب اللي بيحصل لأعرق كورنيش في مصر كلها
لكن في الاخر هيفضل كورنيش الاسكندرية وبحرها أجمل مافيها شاهد علي ذكرياتنا …..وهتفضل الاسكندرية عروس البحر الابيض المتوسط